(Видео) 35 години од „Трилер“ на Мајкл Џексон: Најимитиран спот на сите времиња

САД- Поминаа 35 години откако мини-филмот „Трилер” на Мајкл Џексон првпат се појави во етер, на 2 декември 1983 година, и засекогаш ги смени нашите очекувања за тоа како може еден музички видеоспот да изгледа.

Џон Ландис од „Анимал хаус“ и „Блуз брадерс”, го режираше спотот, а хорор легендата Винсент Прајс го репризираше својот страшен глас од албумот „Трилер”. И покрај стрип изгледот на видеоспотот, Џексон, кој тогаш беше Јеховин сведок, бил загрижен дека обожавателите ќе мислат дека тој е почитувач на ѓаволот. За да ја одржи својата совест чиста, тој го претставил видеото со одрекнување: „Поради моите силни лични убедувања, сакам да истакнам дека овој филм во никој случај не го поддржува верувањето во окултизмот”.

„Трилер” беше првото музичко видео снимено на филмска лента и чинело 500.000 долари – рекорд во тоа време. Продаде повеќе од 9 милиони примероци (да, луѓето всушност купуваа музички спотови на времето) и освои три „Ем-Ти-Ви“ награди, де „Еј-Ем-Еј“ и една „Греми“ награда.  Музичкиот историчар Џо Фогел го прогласи за „Граѓанинот Кејн на кратките филмови” и стана првото (и единствено) музичко видео што ќе биде додадено во Националниот филмски регистар од Библиотеката на Конгресот.

Сепак, кога „Трилер“ дебитираше на „Ем-Ти-Ви“ во 1983-та (како прва светска премиера на музички видеоспот на „Ем-Ти-Ви“), никој не знаеше колку долго ќе има влијание врз поп-културата. Има 722 милиони прегледи на „Јутуб“, тоа е првото музичко видео што ќе биде објавено во „IMAX 3D“ и веројатно е најстарото исмејувано, копирано и имитирано видео на сите времиња. За многумина, тоа е начин на живот: Секоја година низ целиот свет следбениците на Џексон се собираат во поголеми и поголеми броеви за да одадат најголема и најдобра „трилерска” почит. Во август 2009 година, 13.597 обожаватели поставија светски Гинис рекорд за најголемата „флеш-моб“ точка во историјата, изведувајќи го Џексон и кореографијата на Мајк Петерс во Мексико Сити.