Жичницата на Водно нема да биде во функција поради временски услови

Јавното сообраќајно претпријатие – ЈСП Скопје ги известува своите корисници дека денеска жичницата на Водно нема да биде во функција поради засилен ветер.

Од таму посочија дека јачината на ветерот ги надминува дозволените граници како објектот би функционирал непречено и безбедно.

„Надлежните служби ја следат состојбата на терен и во оној момент кога ќе се создадат соодветни временски услови за работа, жичницата ќе продолжи со непречено превезување на патниците“, велат од ЈСП и воедно се заблагодарија на разбирањето.