Земјите на Г7 ќе одредат плафон на цените на руската нафта и дериватите

Министрите за финансии од земјите на Г7 објавија заедничка изјава во која објавија дека се согласиле да спроведат ограничување на цената на руската нафта и нафтени деривати со цел „да се намалат руските приходи и способноста на Русија да ја финансира својата агресивна војна“.

„Денес ја потврдуваме нашата заедничка политичка намера да ја финализираме и имплементираме сеопфатната забрана на услугите кои овозможуваат поморски транспорт на сурова нафта и нафтени деривати од руско потекло на глобално ниво – обезбедувањето на такви услуги би било дозволено само доколку нафтата и нафтените деривати се купат на или под цена (‘ограничување на цените’) утврдена од широката коалиција на земји кои се придржуваат и ја спроведуваат границата на цените“, се вели во соопштението.

Целта на ценовната граница е да се намалат руските приходи, да се ослабне способноста на земјата да ја финансира својата војна и Украина и исто така да го олесни влијанието на војната врз глобалните цени на енергијата, се вели во соопштението.

Мерката се надоврзува на постоечките санкции, особено оние во шестиот пакет на ЕУ, се додава.

Министрите рекоа дека се обврзуваат „итно да работат“ на финализирање и спроведување на ценовната граница.