Зеленски остро до Марио Драги: „Следниот пат ќе се обидам да ја сменам агендата на војната“
Италијанскиот премиер изјави дека имал закажано телефонски разговор со украинскиот претседател за денеска утрово, но Зеленски не бил достапен
Украинскиот претседател Володимир Зеленски му возврати на Марио Драги, откако италијанскиот премиер им кажа на новинарите дека тој и Зеленски имале закажан разговор за петок наутро, но повикот не може да се оствари бидејќи Зеленски „повеќе не бил достапен“.
Зеленски возврати, твитувајќи: „Денеска во 10:30 часот на влезовите во Чернихив, Хостомел и Мелитопол имаше тешки борби. Луѓе загинаа. Следниот пат ќе се обидам да го поместам распоредот на војната за да разговарам со Марио Драги во одредено време. Во меѓувреме, Украина продолжува да се бори за својот народ“.
Италијанскиот премиер Марио Драги им рече на италијанските пратеници во петокот наутро дека Ирали е „совршено усогласена со другите земји на ЕУ, особено со Франција и Германија“ во однос на санкциите во дебатата во текот на ноќта која повремено ги делеше членките на ЕУ за тоа како да се казни Русија.
Италија и Германија беа две од неколкуте европски земји кои во четвртокот се залагаа против распоредувањето на сите санкции на ЕУ во овој момент – конкретно тврдејќи против исфрлањето на Русија од меѓународниот платен систем Свифт, кој европските земји го користат за купување руски гас.
На крајот, забраната за Свифт беше изоставена од пакетот санкции на ЕУ, кој е дизајниран да отсече големи делови од руската економија од пазарите на ЕУ. Испуштањето ја вознемири Украина и создаде разлики меѓу Киев и земјите од ЕУ како Италија.
Драги во петокот рече дека за какви било санкции „бара сериозно разгледување на ефектот врз нашите сопствени економии“, но вети дека ЕУ е „подготвена да одговори со уште построги мерки, доколку се покаже дека тие се недоволни“.
Тој, исто така, рече дека руската инвазија на Украина ја покажала „непромисленоста на ЕУ да не ги диверзифицира подобро нашите извори на енергија“.
Дополнително, Италија ќе помогне да се зајакне источното крило на НАТО со тоа што ќе стави на располагање 240 лица распоредени во Латвија, како и хеликоптери и поморски сили во Романија, со уште 3.400 воен персонал кој би можел да биде повикан.