Заев: Да се израдуваме на успехот, зошто постојано да мрчиме?
Премиерот Зоран Заев на денешната прес-конференција уште еднаш дека Македонија има добар заклучок за почеток на преговори за ЕУ, а според него истиот нема да биде подоцна од октомври.
„Значи таму е кажано во октомври. Важно беше да имаме ваков заклучок кој е сериозна гаранција за сите нас. Целосно имаме безусловна порака, по завршување на реформите, начинот на работење на нашата земја. Треба да го искористиме овој период. Да не си играме играчки. Не постои земја против и граѓаните треба да се радуваат на вакви теми“, истакна Заев.
Тој додаде дека ова е заеднички успех на целата држава и нема потреба од дополнителни барања.
„Дајте заедно да се израдуваме на овој заеднички успех. Зошто постојано да бараме нешто, да мрчиме? Многу работиме изминатиот период и имаме Антикорупциска комисија која работи конечно“, истакна Заев.
Премиерот Заев вели дека според усвоените заклучоци на министрите за надворешни на унијата, на состанокот во Луксембург, Македонија ќе започне да ги отвора поглавјата во декември.
Според него, Македонија ја има поддршката од сите земји членки на ЕУ и сега кога парламентарното мнозинство е стабилно, нема потреба за нови избори, туку ќе се направи владина реконструкција која ќе биде финализирана следната недела.