Вработените во „Водостопанство“ не зеле плата: Продаваме вода, а немаме ни за леб
Агросиндикатот и работниците од „Водостопанството“ во државна сопственост денес излегоа на протест пред Владата поради двете неисплатени плати.
Протестот го поддржа Сојузот на синдикатите, од каде што изразија загриженост за состојбата во претпријатието.
Се додава дека ако не се исплатат изработените заостанати плати, вработените се подготвени да стапат во штрајк, со што ќе биде доведено во прашање водоснабдувањето на посевите, особено ако се знае дека „Водостопанството“ како претпријатие е крвотокот на земјоделството.