Во Осло ќе биде соопштено името на добитникот на Нобеловата награда за мир

Добитникот на овогодишната Нобелова награда за мир ќе биде објавен денеска во Осло, а меѓу можните кандидати се Меѓународната вселенска станица, тимовите за итни интервенции во Судан, застапниците за правата на децата во Украина и двата највисоки меѓународни суда, како и канадскиот премиер Марк Карни, папата и вдовицата на рускиот опозициски лидер Јулија Навални.

Норвешкиот Нобелов комитет доби номинации за 287 кандидати, од кои нешто повеќе од една четвртина се организации.

Како што прецизира „Тајм“, 208 кандидати се поединци, а 79 се организации. Меѓу кандидатите се Меѓународниот суд на правдата и Меѓународниот кривичен суд.

Овогодинешната награда ја одбележува 125-годишнината од Нобеловата награда за мир, која од 1901 година е доделена на 112 поединци и 28 организации.

Црвениот крст ја добил трипати, а Агенцијата за бегалци на ОН двапати. Меѓу поединечните добитници се 20 жени, од кои осум беа доделени во изминатите 15 години.

Минатогодишната добитничка беше лидерката на венецуелската опозиција, Марија Корина Мачадо, која ја доби наградата за нејзината борба за демократска транзиција во Венецуела. Подоцна му ја врачи на Трамп, но Нобеловиот комитет соопшти дека наградата не може да се отстапи на друго лице.