Во Египет откриени 59 саркофази стари над 2.600 години

Во Египет, во некропола во близина на Каиро, пронајдени се 59 добро сочувани саркофази, стари повеќе од 2.600 години.

Египетскиот министер за туризам и антиквитети Калид Ал-Анани изјави дека саркофазите се пронајдени во многу добра состојба, пренесува Ен Би Си.

Група свештеници и високи функционери од доцниот период на стар Египет се закопани во ковчезите.

На снимките објавени од Министерството се гледаат шарени саркофази украсени со древни египетски хиероглифи.

Пронајдени се и други артефакти и најмалку 28 статуи.

Ал-Анани рече дека артефактите се одлично зачувани и дека ќе бидат изложени во Големиот египетски музеј следната година.