Во Дубаи ќе никне нов луксузен комплекс: Вилите на вештачки острови ќе чинат и до 68 милиони долари

Компанијата Amali Properties претстави нов проект кој треба да се гради на два вештачки острови на брегот на Дубаи.

Како што е објаснето, проектот ќе опфати пловечки хелиодром, резиденции и вили чија вредност ќе достигне и до 68 милиони долари.

„Новиот проект ќе се состои од 24 вили кои ќе зафаќаат 1,2 милиони квадратни метри. Секоја вила ќе има до 50 метри приватна плажа“, се наведува во проектот.

Вилите ќе бидат изградени во седум различни архитектонски стилови што ќе им овозможат на купувачите да ја прилагодат својата куќа на плажа.

Ко-основачот на компанијата Али Сајвани рече дека и сопствениците на вили ќе имаат лесен пристап до чамците.

„Островите се на само шест минути возење со брод од центарот на Дубаи и 18 минути од меѓународниот аеродром во Дубаи“, рече Сајвани.