Во Албанија 447 новозаразени со Ковид-19

По падот на бројот на новозаразени во изминатите два дена, во Албанија во последното деноноќие опасниот вирус е дијагностициран кај 447 лица.

Според Министерството за здравство и социјална заштита процентот на заразени е над 19 отсто од направените 2.309 тестови.

-Во изминатите 24 часа во списокот на оздравени внесени се 295 или 34.648 од вкупно заразените 59.438. Трендот на починати присутен во последните денови продолжува. Во последното деноноќие починаа тројца пациенти со што вкупната бројка достигна 1.139 лица, информира Министерството.

Активни на болеста се 23.597 од нив 259 се третират во четирите ковид болници,32 на интензивна терапија од нив четворица пациенти се интубирани.

Поради зголемиот број новозаразени министерството апелира на зголемена внимателност и строго почитување на мерките за заштита и спречување на ширењето на вирусот.