Вилата на Карл Лагерфелд кај Париз оди на аукција

Париз – Наддавањето на вилата на германската модна икона Карл Лагерфелд, кој почина во 2019 година, е закажано за вторник.

Имотот се наоѓа во француското село Лувесјен, на околу 20 километри западно од Париз. Куќата има околу 600 квадратни метри простор за живеење и пространа парцела со базен, тениско игралиште и неколку споредни зданија. Според адвокатите одговорни за продажбата на имотот, проценетата вредност е 4,64 милиони евра.

За префинетиот вкус и стил на модниот дизајнер и „Вог“ пред извесно време објави кус документарец со британскиот стручњак Аманда Харлех.

Лагерфелд, кој почина во 2019 година,  ја купил поранешната ловџиска куќа во 2010 година и ја реновирал – со големо внимание на деталите, во период од четири години. Се вели дека минал само една ноќ таму.Блиските велат дека во неа организирал голем прием во чест на принцезата Каролина од Монако и дека често им ја позајмувал на своите пријатели.

„Тој обожавал да доаѓа тука преку ден за да создава и обожавал да забавува“, вели извор. Трите дневни соби и кујната, опремени со четири рерни, пет мијалници, два фрижидери и два фритези, можат да сместат вечери за 100 луѓе.

Во 2024 година, станот на Лагерфелд во Париз беше продаден на аукција. За само 19 минути, станот од 260 квадратни метри, првично проценет на 5,3 милиони евра, го доби новиот сопственик за двојно поголема сума. 

Модната легенда дизајнирала „колосални дела“ на овој имот, кој му припаѓал на поетот од 19 век, Леконт де Лил, и на членовите на семејството Ротшилд во првата половина на 19 век.

Со панделка во косата врзана во опашка, црните очила за сонце и белите кошули со висока јака, Лагерфелд, кој почина на 85-годишна возраст, бил веднаш препознатлив како и неговите познати клиенти.

Откако го турнал Фенди во големата лига, тој бил доведен да го спаси Шанел во 1983 година, кога само неговата позната линија парфеми заработувала пари.

И покрај тоа што бил во центарот на општествениот виор на модата и трошел милиони на уметност, мебел и домови, Лагерфелд сепак отсекогаш бил осамена фигура.