(Видео) Невреме во Европа: Шест лица загинаа, меѓу кои и дете, сообраќајот во колапс
Невремето Сиаран, кое денеска ја погоди Западна Европа, однесе најмалку шест животи, меѓу кои и петгодишно дете во Белгија, и предизвика сообраќаен хаос – затворање на пристаништата и одложување на бројни летови.
Паѓањето на дрвја предизвикано од силните налети на ветерот уби шест лица: две во Белгија и по едно во Шпанија, Франција, Германија и Холандија.
Update storm #Ciarán! (7h15). The storm is currently heading towards the Benelux. The latest satellite images and weather models predict a slightly more southerly course, which will make the wind field above Belgium and the Netherlands more intense than anticipated. Widespread… pic.twitter.com/HrO5V6DmS4
— White Vador ➿ (@AleaJactaEs666) November 2, 2023
Поради невремето, железничкиот сообраќај во Фландрија беше делумно во прекин, а возовите кои сообраќаат во Белгија сообраќаа со намалена брзина. Во Антверпен е во прекин поморскиот сообраќај, а на аеродромот во Брисел владее сообраќаен хаос, со одложени летови и долги доцнења.
Во Франција 1,2 милиони домаќинства останаа без струја, на англиски остров дуваа ветрови со брзина од 160 км/ч
Во невремето на северот на Франција, покрај еден загинат, 16 лица, меѓу кои седум пожарникари, се повредени. Во Франција околу 1,2 милиони домаќинства останаа без струја, најмногу во Бретања, од нив 780.000.
More aftermath footage and damage caused by Storm Ciaran in Jersey, Channel Islands 🇯🇪 2 November 2023 #StormCiaran #storm #Ciaran#StormCiaran pic.twitter.com/TA4IExYXT7
— Disaster Tracker (@DisasterTrackHQ) November 2, 2023
Невремето силно го погоди и југот на Англија, поради што беа откажани бродските и траектните линии од Довер. Затворени се и околу стотина училишта. Црвено предупредување е издадено на островот Џерси поради ветровите кои дуваат со брзина од 160 км/ч. Сите летови од аеродромите Џерси, Гернзи и Орињи се откажани.
Aftermath footage and damage caused by storm Ciaran in Jersey, Channel Islands 🇯🇪 2 November 2023 #StormCiaran #storm #Ciaran#StormCiaran pic.twitter.com/c4R36l3COa
— Disaster Tracker (@DisasterTrackHQ) November 2, 2023
Околу 200 летови беа одложени на аеродромот во Амстердам
Портокалово предупредување е на сила во Холандија, со ветрови кои достигнуваат брзина од 110 километри на час. Околу 200 летови беа одложени на аеродромот Шипхол во Амстердам. Во западна Франција, железничкиот сообраќај е затворен до петок, а брзите возови (TGV) меѓу Париз и Ле Ман и Париз и Нант исто така не сообраќаат.
Extreme #Storm Damage after 200 kph Wind in #Brittany #Bretagne #Ciaran pic.twitter.com/gETMxLx7wa
— Marco Kaschuba (@marco_kaschuba) November 2, 2023
Ноќта од среда кон четврток во Бретања се забележани ветрови со брзина од 200 километри на час.
Во Баскија измерени бранови високи меѓу осум и девет метри
Whoahh! The heavens have opened in Vilafortuny in Cambrils, #Spain ☔️
via: @tukoberenguer #StormCiaran #Ciaran #BorrascaCiaran pic.twitter.com/G2OmMlZaf7
— Volcaholic 🌋 (@volcaholic1) November 2, 2023
Во Шпанија, Галиција, на северозапад, беше најпогодена од невремето, а на сила е црвено предупредување, како и во Баскија, каде беа измерени бранови од осум до девет метри. Иако Португалија не беше директно погодена, властите објавија црвен аларм во крајбрежните области на северот на земјата.
Lots of damage reported in Valencia in #Spain….#BorrascaCiarán #StormCiaran #Ciaranpic.twitter.com/rsKnmuOrBa
— Volcaholic 🌋 (@volcaholic1) November 2, 2023