(Видео) Фрејзер-Прајс со втор резултат на сите времиња на 100 метри

Јамајканската спринтерка Шели–Ен Фрејзер – Прајс постигна втор најдобар резултат на сите времиња на 100 метри, истрчувајќи ја патеката за 10:63 секунди на националните олимписки квалификации во Кингстон.

Двократната олимписка и четирикратна светска шампионка на 100 метри ја потврди одличната форма на Националниот стадион на Јамајка, подобрувајќи го својот личен рекорд за седум стотинки.

Само покојната американска ѕвезда Флоренс Грифит-Џојнер ја има истрчано патеката на 100 метри со подобро време од Фрејзер – Прајс. Американката во 1988 година истрча 100 метри со време од 10:49 секунди.

Досега најдобриот резултат во 2021 година на 100 метри го имаше Американката Шакари Ричардсон, која истрча 10,72 секунди во март.