(Видео) Бура предизвика хаос во Европа – илјадници без струја
Поради силни бури во многу европски земји, меѓу кои Велика британија, Белгија, Холандија, Полска, Германија и Франција, настана значителна материјална штета.
Оштетени се бројни станбени објекти и возила, а многу домаќинства се без електрична енергија, додека сообраќајот е отежнат, пишува Анадолија.
Бурите во некои европски земји почнаа минатата недела и уште траат.
Во многу градови има и човечки жртви, има материјална штета, а откажани се бројни авионски летови.
Во Велика Британија бурите Дадли и Јуник зафатија многу градови.
Во Лондон луѓето тешко се движеа, а превртени се и стебла на многу сообраќајници.
Лондонската полиција издаде црвено предупредување.
Во налетот на бирата Јуник настрадаа три лица, а 1,4 милиони домаќинства останаа без струја.
Windstoot van 148 km/uur gemeten op platform K-13 alpha op de Noordzee toen deze buienlijn overtrok! https://t.co/fgEj91W2l2 https://t.co/UVgdHKRR1i
— Pieter Groenemeijer 🇪🇺 (@pgroenemeijer) February 20, 2022
Околу 12.000 домаќинства во земјата, уште немаат електрична енергија.
По двете бури, Велика Британија беше погодена и од бурата Френклин.
Во Северна Ирска се борат со поплави, а на возачите им се советува да не заминуваат на пат доколку тоа не е неопходно.
Нема струја
Во Полска повеќе од 500.000 домаќинства се без електрична енергија. Полските власти соопштија дека поради бирата Јуник без електрична енергија се околу 534.000 домаќинства, а штета е причинета на околу 2.600 објекти.
Пожарникарите имале дури 23.500 интервенции. Железниците на Полска откажаа 67 меѓуградски линии.
Премиерот на Полска Матеуш Мориавецки рече дека е јасно видливо влијанието на бурата Јуник која зафати многу европски земји, а на граѓаните им советуваше да останат дома.
И во Полска загинаа три лица, а четири се повредени.
NINE DEAD AS STORM EUNICE BATTERS EUROPE.
– Storm Eunice killed at least eight people in Europe on Friday, pummelling Britain with record-breaking winds and forcing millions to take shelter as it disrupted flights, trains and ferries. #BigJetTV #Ashewovibes #London #Osun #arwx pic.twitter.com/04xMBi1e1X— Samnews (@Samnews101) February 20, 2022
По бурата Јуник, Белгија беше зафатена од бурата Френклин.
Кралскиот институт за метеорологија за крајбрежни подрачја издаде портокалово предупредување, а останатите делови од земјата се во жолто предупредување, поради очекувана брзина на ветрот од 80 до 110 километри на час.
Отежнато одвивање на авиосообраќајот
Отежнато се одвива и авионскиот сообраќај, а парковите и влезовите во шумите се затворени.
Во некои делови од земјата откажана е и наставата, како и железничкиот сообраќај.
Повредени се повеќе лица, а штета има на многу возила и објекти.
Од средата, под влијание на Дадли, Јуник и Френклин е и Холандија.
Јуник е најсилна бура во последните четири години. Штетата направена во последните шест дена се проценува на повеќе милијарди евра, а веројатно во следниот период дополнително ќе расте.
Поради бурата настрадаа најмалку четири лица.
Бурата Френклин го зафати северниот дел од Франција, а во многу делови издадено е портокалово предупредување.
Силен ветар
Француските медиуми јавија дека силен ветар погодил делови од земјата, а брзината на ветрот достигнувала до 171 километар на час.
На северот на земјата, поради бурата Јуник и Френклин, без напојување со електрична енергија останаа околу 16.000 домаќинства.
Storm Eunice slams northwest Europe with wind and waves https://t.co/NrYzA2Nlln pic.twitter.com/2Gku1CFj1H
— Reuters Pictures (@reuterspictures) February 19, 2022
Железничкиот сообраќај е сопрен во многу делови од земјата, а наставата не се одржува.
Две лица на возраст од 70-тина години се најдени мртви во возило во градот Бриквуивил-сур-Мер.