Вакцинација на наставниците од Општина Аеродром

Наставниците од основните училишта во Општина Аеродром масовно се одѕиваат на вакцинацијата против Ковид-19 што се спроведува во вакциналниот пункт во СЦ „Борис Трајковски“.

Оваа фаза од вакцинацијата ги опфаќа наставниците од прво до трето одделение, кои веќе извесен период спроведуваат настава со физичко присуство и вршат воспитно-образовна дејност во исклучителни услови, а во наредниот период ќе бидат вакцинирани и наставниците што спроведуваат онлајн-настава, како и техничкиот персонал на училиштата, соопштија од Општината.