Утре и задутре посебен сообраќаен режим во Скопје – доаѓа Урсула фон дер Лајен
Посебен режим на сообраќај ќе има во среда и во четврток (26 и 27.10.2022) во Скопје, соопшти МВР.
Министерството за внатрешни работи ја информира јавноста дека на 26 и 27.10.2022 година (среда и четврток), во официјална посета на Република Северна Македонија ќе пристигне претседателката на Европската Комисија, Урсула фон дер Лајен.
Од тие причини СВР Скопје ќе преземе мерки за посебен режим на сообраќајот по сообраќајниците на поширокото централно подрачје на град Скопје.
МВР апелира до граѓаните да ги почитуваат наредбите што ги издаваат полициските службеници.