Трката за чиста енергија може да доведе до најголем договор во рударството
Рударскиот гигант БХП поднесе понуда од речиси 40 милијарди долари за да го преземе својот ривал од Обединетото Кралство, Англо Американ, во она што би било најголемиот рударски договор досега.
БХП во четвртокот објави дека ги проценува акциите на Англо Американ на 25,08 фунти (31,40 долари) по акција, или вкупно 31,1 милијарди фунти (38,9 милијарди долари). Доколку се заврши, преземањето ќе го зголеми пристапот на БХП до резервите на бакар, се додава.
Потенцијалниот договор би имал поголема вредност од купувањето на швајцарската Кстарта (Xstrata) од 38,3 милијарди долари од страна на компанијата Гленкор (Glencore) во 2012 година, според податоците на Диалоџик (Dealogic). Тоа би било и најголемото спојување или преземање во рударската индустрија по вредност откако Даилоџик почна да ги собира податоците во 2004 година.
Одборот на Англо Американ „во моментов го разгледува овој предлог“, се вели во соопштението на компанијата, додавајќи дека „нема сигурност“ дека ќе биде направена формална понуда од БХП, или условите на таа потенцијална понуда.
БХП има рок до 22 мај да даде официјална понуда.
Акциите на Англо Американ пораснаа за дури 13,8 отсто по вестите. Акциите на БХП се затворија за 0,6 отсто во Австралија.
Бакарот е суштинска компонента во некои технологии за обновлива енергија, вклучувајќи соларни панели и електрични возила. И тој е многу баран: цената на металот на Лондонската берза за метали се зголеми за повеќе од 13 отсто досега оваа година на речиси 10.000 долари за метрички тон, што е највисоко ниво во последните две години.
Пред една година, БХП го купи австралискиот конкурент Оз Минералс (Oz Minerals) за да го прошири својот пристап до бакар и никел. Откупот беше дел од стратегијата на БХП за „задоволување на зголемената побарувачка за критичните минерали потребни за електрични возила, турбини на ветер и соларни панели“, рече извршниот директор на компанијата Мајк Хенри во тогашната изјава.
Пристапот на БХП, исто така, може да поттикне загриженост за некои од најголемите компании во Обединетото Кралство што ја напуштаат Лондонската берза.
Понудата за откуп „ќе го олади Сити“, напиша Сузана Стритер, шеф на пари и пазари во Харгривс Лансдаун, во белешката во четвртокот. „Постои загриженост дека, ако договорот биде реализиран, тоа би можело да биде врвот на ледениот брег и повеќе гиганти би можеле да ја напуштат берзата“.