Трифун Костовски го пофали Шилегов за сработеното

Во својата колумна во која ги анализира резултатите од локалните избори, поранешниот градоначалник на Скопје Трифун Костовски искажува пофални зборови за работата на актуелниот градоначалник на Скопје Петре Шилегов:

„Чувствувам дека овојпат народот го казнува господинот Заев. Најтипичен пример за оваа казна е битката за прв човек на градот Скопје. Како поранешен градоначалник можам да кажам дека господинот Шилегов својот прв мандат го одработи многу солидно, не навлегувајќи дали градската каса била користена и за некои лукративни интереси.“

Според поранешниот градоначалник на Скопје Трифун Костовски, кој беше избран за градоначалник на Скопје благодарение на поддршката на ВМРО-ДПМНЕ, „Најголемиот товар на господинот Петре Шилегов не му е Данела Арсовска туку Зоран Заев.“