Триесет фалсификувани PCR тестови пронајдени во автобус на граничниот премин Деве Баир

На граничниот премин „Деве Баир“ при контрола во автобус на туристичка агенција од Скопје, полициски службеници од Одделот за гранични работи и миграции денеска откриле 30 PCR тестови за Ковид-19, за кои постои основано сомнение дека не се валидни, односно дека не се извадени од овластена медицинска установа. Тестовите биле приложени од патниците и по направени дополнителни проверки биле одземени, соопшти Министерството за внатрешни работи.

Двајца албански државјани, како што се посочува, биле лишени од слобода и биле изведени пред судија на претходна постапка.

За останатите 28 патници, македонски државјани ќе бидат направени дополнителни проверки и против нив ќе бидат поднесени пријави до Основното јавното обвинителство по член 206 и член 378 од Кривичниот законик, стои во соопштението.