Тридневна бесплатна ЛЕГО работилница во Ист Гејт Мол

Последниот викенд од јануари најголемиот регионален шопинг центар од европски ранг се очекува да биде исполнет со детски џагор, бројни насмевки и многу забава за најмалите.

Во организација на КРШ и Ист Гејт Мол, на 28.01.2022 (петок) од 18:00 до 20:00 часот, како и на 29.01.2022 (сабота) и на 30.01.2022 (недела) од 13:00 до 16:00 часот, детските умни глави ги очекува тридневна ЛЕГО работилница со коцки и наградни изненадувања за најсреќните дечиња. ЛЕГО работилницата во наведените временски интервали ќе се реализира спроти продавницата КРШ, а во склоп на истата на сите посетители ќе им биде достапен и мал изложбен дел на ЛЕГО играчки.

Годината можеби само што започна, но овој викенд во Ист Гејт Мол пристигнуваат сите 12 месеци одеднаш. На 30.01.2022 (недела) атмосферата на шопинг центарот ќе биде збогатена со уште една театарска претстава за деца, „12те месеци“, во изведба на актерската екипа на Театар за деца и младинци, со почеток во 12:00 часот напладне на -2 кат, кај Тинекс маркетот, на Централниот плоштад.