Традиционално искачување на Клепа во чест на трагично загинатите планинари Калина и Александар

Седмо традиционално зимско искачување на врвот Клепа се одржа денеска во чест на македонски планинари Александар Миновски и Калина Велевска кои загинаа трагично во бездна на денешен ден 11 февруари во 2018 година искачувајќи се на планината Ниџе на врвот Кајкамкачан во соседна Грција.

Околу 500 учесници од повеќе планинарски друштва од земјава и неколку од Србија денеска  се искачија на врвот Клепа на 1150 метри надморска висичина, а по патот запреа во шумата на Калина каде таа како учесник на првото искачување на Клепа на 4 февруари 2018 година само неколку дена пред нејзината смрт ги засади своето дрвце во шумата која наредната година беше именувана во Шумата на Калина. Организатори на походот и годинава беа Еколошката групација „Грин Пауер“ од Велес и Спортското планинарско еколошко друштво „Клепа“ од Росоман  со подршка на Општина Градско и Росоман.

Веле Коцев за МИА,  информира  дека секоја година има се’ поголем интерс за ова традиционално зимско искачување на Клепа  чија патека е во должина од 19,3 километри со висинска разлика од 1050 метри.

-Учесниците се собраа утрово во селото Сирково а кое е на 270 метри надморска височина, а  каде беа топло пречекани од домаќините со домашни гурабии алва, домашен леб и чај од каде тргнаа се до Подлес. По пат учесниците ја посетија и се одморија кај Шумата на Калина. Потоа од Подлес се упатија кон врвот Клепа на 1150 метри. По негово искачување сите се спуштаа надолу по карпест и лизгав терен кон манастирот  Св Архангел кој е  на 410 метри надморска височина и е помеѓу селата Горно и  Долно Чичево. Кај неговите конаците сите учесници  се собраа и добија бесплатен ручек и пијлаок  од организаторите се дружеа и споделија искуства од качувањето, и се одморија по напорниот поход, појасни Коцев.