Србија воведе санкции против Белорусија

Србија се усклади со санкциите воведени кон Белорусија од страна на Европската унија во април поради ситуацијата во земјата и нејзината вмешаност во руската инвазија на Украина.

Со одлуката на Советот на ЕУ од 8 април, Србија, Албанија, Црна Гора, Северна Македонија и Босна и Херцеговина ќе ги усогласат своите национални политики како кандидати или потенцијални кандидати за членство во ЕУ, се вели во соопштението на високиот претставник на ЕУ од 22 април.

Како што се додава, земјите од ЕФТА Исланд, Лихтенштајн и Норвешка, членки на Европската економска зона, како и Украина се усогласуваат со санкциите против Минск, а ЕУ ја забележува таа заложба и ја поздравува.

Одлуката 2022/579 на Советот на ЕУ од 8 април усвои дополнителни секторски мерки насочени кон белорускиот финансиски и патен сектор поради ситуацијата во Украина и како одговор на вмешаноста на Белорусија во руската агресија врз Украина.