Спасовски: Протоколите не се под директна контрола на МВР, тоа е работа на секој од кабинетите во Владата

11/07/2019 09:47
Има протоколи и начин на кој се комуницира во однос на секој носител на државна и јавна функција во Република Северна Македонија. Треба да се следат тие протоколи. Ова го изјави министерот за внатрешни работи Оливер Спасовски по посетата на Центарот за обука во Идризово каде што во тек е селекцијата за нови полициски службеници, одговарајќи на новинарско прашање за надлежностите на МВР во случајот со руските пранкери и телефонските разговори на премиерот Зоран Заев.

Посочувајќи дека такви ситуации се случиле не само во Македонија туку и во други држави, Спасовски потенцира дека тоа не е нешто што е по директна контрола на МВР, туку е работа на секој од кабинетите во Владата, начинот на комуникациите и тн.

-Во тој однос потребна е малку поголема будност во следењето на препораките и протоколите со што можат да се средат сите овие работи, изјави министерот Спасовски.

На новинарско прашање дали се следеле безбедносните протоколи бидејќи за тоа се разговрало и на владина седница, Спасовски информира дека нема таква информација и оти не бил присутен на последната седница на Владата и ги чека заклучоците.

Поврзани содржини

Над 500 граѓани на Бугарија донираа крв за настраданите од Кочани
Дискотеката во Кочани била затворена од УЈП, некој дозволил повторно да се отвори
Манев: Причината за убиствата на Вања и Панче е прашање за Палевски
Во сите македонски градови се излезе на плоштадите за жртвите од Кочани
На хируршките клиники повторно операции, денеска на онколошки пациенти, од утре според целосно планираните програми
Ќе се утврдува дали имало пропуст во лекувањето на кумановецот кој почина вчера по алергиска реакција од аналгетик
Таравари: Денеска е последниот транспорт на пациенти од Кочани во странство
Изјава на министерот за здравство Арбен Таравари (во живо)

Најчитани