Човек пловел на фрижидер – од „Милтон“ спасени најмалку 1.600 луѓе и 140 животни на Флорида
Гувернерот на Флорида Рон Де Сантис денеска изјави дека досега најмалку 1.600 луѓе и 140 животни се спасени од ураганот низ американската сојузна држава.
Како што јави „Еј-би-си њуз“, најмалку 16 луѓе загинаа во ураганот Милтон, кој го зафати западниот брег на Флорида како ураган од трета категорија, носејќи торнада, силни ветришта и поплави.
Невремето принуди милиони луѓе да се евакуираат и предизвика голема штета.
(Видео) На 50 километри од брегот на Флорида спасиле маж кој пловел клекнат на фрижидер
Американската крајбрежна стража спасила маж кој се држел за фрижидер додека пловел на околу 50 километри од брегот. Спасувачите се симнаа од хеликоптерот и допливаа до човекот кој клечеше на врвот на ладилникот во Мексиканскиот залив.
Мажот бил пренесен во општата болница во Тампа, каде му била укажана лекарска помош. „Тој го преживеа она што е кошмарно сценарио дури и за најискусниот морнар“, изјави поручникот Дејна Грејди од американската крајбрежна стража.
#Breaking An @USCG Air Station Miami 65 helicopter crew rescued a man clinging to a cooler approximately 30 mi. off Longboat Key.
The man was taken to Tampa General Hospital for medical care.
Sector St. Pete lost communications w/ the man at approx. 6:45 p.m., Wed. #SAR pic.twitter.com/64wSHuRAeH
— USCGSoutheast (@USCGSoutheast) October 10, 2024
Не успеал да го поправи бродот
„За да се разбере сериозноста на условите за ураганот, важно е да се каже дека проценуваме дека доживеал ветрови од 120 до 145 километри на час. изјави таа.
Човекот во средата во 3 часот по полноќ се враќал на пристаништето, но се соочил со налети на ветер. Неуспешно се обидел да го поправи бродот со хендикеп. Во тоа време дуваа ветрови со брзина од околу 50 километри на час, но условите брзо се влошија како што се приближуваше ураганот.
На капетанот му било наложено од крајбрежната стража да облече елек за спасување и да остане покрај радио-светилникот што ја покажува положбата на бродот за итни случаи, но комуникацијата била изгубена вчера околу 18:45 часот по локално време. Сепак, сето тоа на крајот добро се заврши.