Скопје во сообраќаен колапс
![](https://nezavisen.mk/wp-content/uploads/2023/04/Soobrakaj-po-dozd-guzva-na-bul-Goce-Delcev-2a-bg_resize.jpg)
Утрово, на речиси сите поголеми крстосници во центарот на градот, сообраќајот го контролираше полицаец, а метежот и колоните беа огромни.
Нервозни возачи свиреа со сирените, пешаците едвај се пробиваа низ автомобилите, а не се знаеше ни кога може да се помине на пешачки, ниту пак можеше да се помине меѓу автомобилите.
![](https://nezavisen.mk/wp-content/uploads/2023/05/Soobrakaj-guzva-na-bul-Goce-Delcev-2-bg_resize.jpg)
Најава од МВР за некој посебен сообраќаен режим нема. Зошто се случи овој сообраќаен колапс, официјална информација нема. Ако се знае дека мостот „Беласица“ е затворен откако изби пожар, стандардно секој ден метеж има на потегот од комплекс банки кон железничката станица, но и кон Олимпискиот базен.
![](https://nezavisen.mk/wp-content/uploads/2023/03/Skopje-soobrakaj-guzva-1-bg_resize.jpg)
Сепак, утрово, метежот продолжи и кон Рекорд, а понатаму кон Клиничкиот центар.
![](https://nezavisen.mk/wp-content/uploads/2023/03/Soobrakaj-guzva-vreme-zima-1-bg_resize.jpg)
Според оние кои сега се на улици на Скопје, малку е растоварен сообраќајот во централното подрачје, но ако попладне заврне, како што се метеоролошките најави, метежот ќе биде неизбежен и кога граѓаните ќе се враќаат од работа.