Скандал на Олимпијадата во Париз: Судиите поништија гол на Аргентина два часа по натпреварот
Скандал на првиот натпревар на олимпискиот фудбалски турнир меѓу Аргентина и Мароко.
Иако, првично, натпреварот заврши 2:2, со гол на аргентинецот Медина во 90+16. минута, по постигнувањето на голот, судиите не означија крај на натпреварот бидејќи на теренот истрчаа гневните марокански навивачи, а следеше бркотница со обезбедување.
Argentina’s 90’+16th minute equaliser against Morocco was disallowed for offside 2 hours after the game ended.
Justice done but why did it took 2 hours. One of the most embarrassing moments in football ever…pic.twitter.com/w4jFIFA7E9
— Troll Football Media (@Troll__Footbal) July 24, 2024
Аргентинците заминаа во соблекувалната, судијата Глен Ниберг од Шведска по протокол го прекина мечот, а Мароко поднесе жалба против голот на ривалот, бидејќи беше постигнат по офсајд позиција. По 90 минути циркус, судиите со помош на ВАР собата утврдија дека Мароканците се во право.
Екипите повторно излегоа на теренот, Аргентинците не успеаја да постигнат гол во тие три минути, па Мароко победи со 2:1.
Маскерано за мечот со Мароко: Ова е најголемиот циркус што сум го видел во мојот живот
Скандал каков што фудбалот не доживеал се случи на првиот натпревар од турнирот на Олимписките игри во Париз.
Аргентинците израмнија против Мароко со гол во 90+16. минута. Навивачите на Мароко влетаа на теренот, судијата Ниберг од Шведска досуди нешто, но тоа не беше крај туку прекин. Фудбалерите на Аргентина побегнаа во соблекувалната, а потоа скандалот доби епски размери бидејќи судијата со помош на ВАР собата го прифати барањето на Мароко голот да биде поништен поради офсајд.
По речиси два часа, Ниберг ги врати играчите на теренот, се доигра три минути и натпреварот конечно беше регистриран со победа на Мароко од 2:1. Се на се, првата средба на Олимписките игри во Париз траеше четири часа.
Селекторот на олимписката репрезентација на Аргентина Хавиер Маскерано беше, во најмала рака, бесен по случувањата.
-Ова е најголемиот циркус што сум го видел во мојот живот. Денес седум пати влегуваа на теренот, ни фрлаа петарди. Ни кажаа дека заврши 2:2. Дури и Мароко не сакаше да игра, изјави Маскерано.
А потоа откри дека вчера крадци упаднале во соблекувалната на Аргентина.
-Вчера упаднаа во нашите простории, на Алмада му ги украдоа работите! Бараат да бидеме акредитирани за се, а потоа се случуваат такви работи, додаде легендарниот халф на Барселона.
Во наредните денови ќе има полемики, како за фудбалот и овој преседан од одлуката, така и за слабата безбедност, бидејќи мечот десетина пати беше прекинат поради „скокачи“ од трибините.
BREAKING:
The first scandal of the Paris Summer Olympics is a fact.
The game between Morocco & Argentina has been suspended after angry Moroccan fans stormed the pitch and the crowd threw firecrackers at the Argentine players after their equalizing goal pic.twitter.com/jeDZzKQ69z
— Visegrád 24 (@visegrad24) July 24, 2024
Резултати:
Група А
Гвинеја – Нов Зеланд 1:2 (0:1)
/Дијавара 72 – Гарбет 25, Вејн 76/
Франција – САД 21.00 ч.
Група Б
Аргентина – Мароко 1:2 (0:1)
/Симеоне 68 – Рахими 45+2, 51 пенал
Ирак – Украина 19.00 часот
Група Ц
Узбекистан – Шпанија 1:2 (1:1)
/Шомуродов 45+3 пенал – Пубили 29, С. Гомез 62
Египет – Доминиканска Република 0:0
Група Д
Јапонија – Парагвај 19.00 ч.
Мали – Израел 21.00 ч