Синер најави враќање на тенисот во декември во подготовка за Австралија Опен

Италијанскиот тенисер Јаник Синер денеска на прес-конференција во Милано изјави дека неговата цел е да биде целосно подготвен за Австралија Опен, најавувајќи оти претходно планира да настапи на неколку турнири.
Вториот светски тенисер изрази уверување дека ќе се врати на теренот навреме за следниот Австралија Опен, но нема да брза со закрепнувањето од повредата на коленото што го принуди да престане да игра оваа сезона откако ја одбрани титулата на Вимблдон во јули со победата над Александар Зверев во финалето. Потоа, Германецот го искористи отсуството на 25-годишниот Италијанец за да го преземе првото место на АТП ранг-листата,
„Целта е да одам во Австралија; се надевам дека ќе можам да стигнам таму и можеби да одиграм неколку турнири пред тоа. Во моментов, морам да го следам протоколот и да не брзам со ништо. Имам голема доверба во процесот и работам кон остварување на таа цел“, рече Синер на прес-конференција на која учествуваше како глобален амбасадор на Алијанц.
Главниот турнир на Австралија опен е на програмата од 17 до 31 јануари идната година.