Сиљановска именуваше нови членови во Комисијата за помилување
Претседателката Гордана Сиљановска Давкова донесе одлука за составот и за именување претседател и членови на Комисијата за помилување.За претседател на Комисијата за помилување именуван е Методија Каневчев, а за членови Гордан Калајџиев, Арлинда Кадри Шахиновиќ, Зора Митиќ, Ана Ѓорѓиева Ивановска, Саше Димовски и Ајтен Шаќири.
При изборот и именувањето на членовите на Комисијата за помилување претседателката Сиљановска Давкова се водеше по критериумите за стручност, компетентност и конкурентност.
Именуваните членови се истакнати експерти и познавачи од областа на правото.