Силен земјотрес на Нов Зеланд, се тресеше главниот град

Земјотрес со јачина од 5,6 степени според Рихтер го погоди Нов Зеланд денеска, а засега нема извештаи за повредени или за материјална штета.

Земјотресот се случил во близина на градот Бленхајм, на длабочина од 30 км, соопшти сеизмолошката служба.

Силно ртресење на тлото се почувствувало и во главниот град Велингтон, изјави еден очевидец, за Ројтерс.

Нов Зеланд лежи на сеизмички активниот „огнен прстен“ во Тихиот Океан, полн со вулкани.