Што му рекол Путин на Маск за употребата на нуклеарно оружје?

Рускиот претседател Владимир Путин, наводно, му рекол на технолошкиот милијардер Илон Маск дека е веројатен нуклеарен напад доколку Украина одбие да ја признае анексијата.

Владимир Путин му рекол на Илон Маск дека ќе употреби нуклеарно оружје доколку Украина не ги признае анектираните територии како руски, се вели во контроверзниот извештај што го виделе претплатниците на консултантската групација за ризик Евроазија, пишува Телеграф.

Илон Маск, извршен директор на SpaceX и Tesla и еден од најбогатите луѓе во светот, наводно разговарал директно со Путин пред неодамна да го објави „мировниот план“, се вели во е-пошта од основачот на консултантска компанија за ризик.

Содржината на наводниот разговор беше проширена во е-пошта испратена до претплатниците на групата Евроазија во вторникот од страна на Иан Бремер, основачот на групата. Бремер напиша дека директор на Тесла му рекол дека Путин ќе ги постигне своите цели „без разлика на се“, пренесува СЕЕБиз.

Но, Маск брзо го демантираше извештајот, пишувајќи на Твитер: „Сум разговарал со Путин само еднаш, а тоа беше пред околу 18 месеци. Темата беше – вселената“.

За време на наводниот разговор, рускиот претседател му рекол на технолошкиот милијардер дека нуклеарниот напад е неизбежен доколку Украина одбие да ја признае анексијата на Луганск, Доњецк, Керсон и Запорожје.

Маск наводно му рекол на Путин дека „треба да се направи се за да се избегне таков исход“.

Бремер, исто така, напиша дека извршниот директор на „Тесла“ му рекол дека Путин ќе ги постигне своите цели „без разлика на се“.

Коментирајќи ги извештаите, Џон Кирби, портпарол на Советот за национална безбедност на Белата куќа, им рече на новинарите: „На сите им е јасно дека тој не ја претставува владата на САД во овие дискусии“.

Наводниот разговор на Маск со Путин, пишува Бремер, му претходеше на твитот во кој милијардерот ги анкетираше луѓето за „мировниот план“ кој речиси целосно е во согласност со руските барања.