Шивон Зилис и Илон Маск раскинаа преку „Х“

Таа има 38 години, еден е од водечките експерти за вештачка интелигенција во Силиконската долина и го делеше животот со непоколебливиот Илон Маск, со кого имаше четири деца – сите зачнати преку ин витро оплодување.Неделава преку „X“ Шивон Зилис објави дека се разделиле со милијардерот. Според медиумите Маск престанал да ја „следи“ на X, a таа јавно порача преку мрежата дека е тажна по неговата одлука и дека ќе и фали.  Која е всушност Шивон Зилис? 

Илон Маск е аномалија, дури и во својот семеен живот – а да бидеме искрени, станува тешко да се следи неговото семејно стебло. Или барем неговото потомство.На најбогатиот човек во светот бројот на деца постојано расте, понекогаш со разлика од само неколку недели. На 7 јули 2022 година, шефот на „Тесла“ ги потврди гласините и откри за Page Six дека е татко на вкупно десет деца. Неколку месеци претходно – поточно во ноември 2021 година – тој доби близнаци во Остин. И тоа го направи во целосна тајност. Иако во тоа време очигледно беше во врска со Наташа Басет, млада австралиска актерка, мајката на овие деца се покажа дека е Шивон Зилис.

Нејзиното име можеби не ѝ е познато на пошироката јавност, но таа е влијателна личност во Силиконската долина. Како експерт за вештачка интелигенција, таа раководи со „Neuralink“ – најновата компанија на Илон Маск – која развива компјутерски чипови наменети за вградување во мозокот. 

Во декември 2021 година – само еден месец по раѓањето на неговите близнаци – Маск доби второ дете со пејачката на готик-поп музика, Грајмс (од која официјално беше разделен): ќерка родена преку сурогат-мајка, именувана „Y“ (парот веќе имаше син по име „X“, а наскоро требаше да добие и трето дете, Техно Механикус, со прекар „Тау“). Сепак, чудно е тоа што доаѓањето на ова единаесетто дете немаше никакво влијание врз неговата врска со новата партнерка, Шивон Зилис, која дотогаш веќе му стана најголема поддржувачка.

Нивната романтична врска заврши неделава, четири години подоцна. На 2 октомври извршната директорка во „Неуралинк“ (Neuralink) преку објава на Твитер соопшти дека првиот трилионер во историјата раскинал со неа.

„Тешко е да се премине од состојба на силна вљубеност до раскинување за само една недела, сосема неочекувано, но понекогаш работите едноставно така се одвиваат“, напиша 40-годишната Канаѓанка Зилис.

Таа и нивните деца, според нејзините зборови, биле неговото прибежиште.

„Ние секогаш бевме неговото мирно катче. Место каде што сите со огромна радост го пречекувавме, исполнети со среќа и љубов – ослободени од конфликти – што беше во целосна спротивност со животот што тој го водеше на првите борбени линии… и ми претставуваше задоволство што можев повторно да му измамам насмевка на лицето во моментите кога се чувствуваше најлошо.“ Со меланхоличен тон, Шивон Зилис додава: „Страшно ќе ми недостига.“ 

Три брака – 12 деца

Родена во 1986 година во Маркам, Онтарио, Шивон Зилис пораснала играјќи хокеј на мраз. Нејзината страст кон овој спорт продолжила и за време на студиите на Универзитетот Јејл, каде што настапувала како голманка во женскиот тим. На овој престижен универзитет во Конектикат – познат како еден од најдобрите во САД – таа студирала економија и филозофија. По дипломирањето во 2008 година, таа брзо го привлекла вниманието на Силиконската долина. Оваа Канаѓанка ја започнала својата кариера во IBM, каде што поминала три години.

Подоцна, Шивон Зилис помогнала во лансирањето на инвестицискиот фонд „Bloomberg Beta“. Таму, таа одиграла клучна улога во финансирањето на иновативни стартапи и го продлабочила своето знаење за вештачката интелигенција – област што ја фасцинирала уште од раната младост, кога го открила албумот *Spiritual Machines* на групата „Our Lady Peace“ (албум инспириран од футуристички концепти). Нејзината експертиза ѝ донела место на листата на „Forbes“ – „30 Under 30“ (30 најуспешни под 30-годишна возраст) во категоријата за ризичен капитал во 2015 година. Што е уште поважно, тоа ѝ го отворило патот да се приклучи кон „OpenAI“ во 2016 година – компанијата што стои зад ChatGPT, а која била кооснована од Илон Маск и Сем Алтман, меѓу другите.

На 30-годишна возраст, Зилис станала најмладиот член на управниот одбор, позиција што ја извршувала сè до нејзината оставка во март 2023 година, според специјализираниот медиум „The Information“. Подоцна, Илон Маск ја ангажирал во две од неговите големи компании: „Tesla“, каде што од 2017 до 2019 година ја применувала својата експертиза за вештачка интелигенција во тимовите за „Autopilot“ и за дизајн на чипови; и „Neuralink“, на која ѝ се приклучила во 2017 година– истовремено со нејзиниот ангажман во „Тесла“ –  каде што подоцна стана директор.

Сè уште не е познато кога врската меѓу Маск и Зилис – која првично била од професионална природа – прераснала во романтична. Илон Маск вообичаено одбива да го коментира својот приватен живот, а и Шивон Зилис останува дискретна. Сепак, таа отворено ја изрази својата поддршка за претприемачот, кој штотуку беше назначен од Доналд Трамп да раководи со новото Одделение за владина ефикасност. „Не постои никој кого го почитувам и му се восхитувам толку многу“.

Пример за тоа: во мај 2020 година Илон Маск јавно влезе во конфликт со сојузната држава Калифорнија поради рестриктивните мерки за затворање (локдаун) воведени поради ковид-19, нарекувајќи ги „фашистички“. Револтиран, тој се закани дека ќе го премести седиштето на „Тесла“ во Тексас – потег што предизвика гнев кај демократската пратеничка Лорена Гонзалес. „Е*и се, Илон Маск“, гневно напиша избраниот функционер на Твитер – во време кога платформата сè уште не беше во сопственост на милијардерот. Шивон Зилис одлучи да возврати, застанувајќи во одбрана на својот шеф (а можеби веќе и партнер).

„Никој не е совршен, но никогаш не сум запознала некој што поднесува толку многу лични страдања борејќи се за инспиративна иднина на човештвото – и тоа го прави неуморно со децении“, истакна директорката од „Неуралинк“ . Таа понатаму нагласи: „Секој има право на свое мислење, но моето е дека не постои човек што го почитувам и му се восхитувам толку многу како на него“.

Оттогаш, Шивон Зилис роди трето дете – дванаесеттото дете на милијардерот. Сето ова се одвиваше во строга тајност. Не се откриени ниту името, ниту полот на бебето, за кое се известува дека е родено оваа година. Се вели дека парот и нивните три деца живеат во Остин, на имот со висока приватност во затворена населба, недалеку од „Гигафабриката“ на „Тесла“. Сепак, во судските документи до кои дојде „Бизнис инсајдер“  Маск сè уште ја наведува малата куќа од 50.000 долари во Бока Чика – која се наоѓа на чекор од местото за лансирање на „Спејс-икс“ (SpaceX) во Јужен Тексас – како свое главно место на живеење. (Фигаро)