Шефот на Мајкрософт одбил 5 милиони долари награда што му следувала
Наградите од акции придонесоа најмногу за зголемувањето во годината кога пазарната вредност на технолошкиот гигантт надмина 3 трилиони долари
Платата на извршниот директор на Мајкрософт, Сатја Надела за фискалната 2024 година се зголеми за 63 отсто на 79,1 милиони американски долари.
Најголем придонес за зголемувањето имаа наградите на акции во годината кога пазарната вредност на технолошкиот гигант надмина 3 трилиони долари.
Наградите за Надела, кој во 2023 година заработи 48,5 милиони долари, се искачија на околу 71 милион долари од 39 милиони долари една година порано.
Акциите на Мајкрософт добија околу 31,2 отсто во вредност во текот на фискалната година што завршува на 30 јуни 2024 година. Поради својата инвестиција во производителот на ChatGPT OpenAI, Мајкрософт се смета за лидер во трката за доминација на пазарот во воведувањето на генеративна вештачка интелигенција.
Сепак, паричниот поттик на Надела од 5,2 милиони долари беше помал од 10,7 милиони долари кои му следуваа, бидејќи тој бараше намалување по повеќекратните прекршувања на сајбер безбедноста пријавени во текот на фискалната година, објави Ројтерс.
Меѓу другите високи технолошки шефови, извршниот директор на Apple, Тим Кук, заработил 63,2 милиони долари во 2023 година, додека Nvidia му платила на Јенсен Хуанг 34,2 милиони долари во фискалната 2024 година.