Се подготвуваат за пуштање фонтаните во Аеродром

Општина Аеродром деновиве ги подготвува фонтаните во сите паркови за нивно пролетно пуштање во употреба. Наскоро вода ќе бликне во фонтаната „Тоше Проески“ во Ново Лисиче, како и во парковите „Јане Сандански“, Паркот на езерата, Паркот на светлината, паркот „Бановина“, паркот „Авион“, паркот „Бојмија“, како и од други фонтани низ целата територија.

Службите интензивно работат на нивно чистење, остранување на дефектите, а онаму каде што е потребно се поставуваат нови пумпи, како и мозаични плочки за нивно целосно уредување.

Откако фонтаните целосно ќе се оспособат и временските услови ќе дозволат, тие ќе бидат пуштени во употреба, а Аеродром ќе го добие својот посебен и препознатлив сјај.