Се гради спортска сала во кавадаречко Марена

 Се гради спортска сала во кавадаречкото село Марена, информираа попладнево од кабинетот на кавадаречкиот градоначалник Митко Јанчев. 

Од Кабинетот информираа дека спортската сала е со корисна површина од 400 метри квадратни, во рамки на подрачното општинско училиште „Страшо Пинџур“.

– Продолжува изградбата на спортската сала во село Марена, со корисна површина од 400 квадратни метри, што ќе биде во склоп на подрачното општинско училиште ,,Страшо Пинџур’’. Инвестицијата е на Општина Кавадарци во висина од 22.000.000 денари, соопштија од кабинетот на Јанчев. 

Изведувач на работите е фирмата „Градба промет”.