Сашко Гешовски, војникот на ЈНА убиен во 1991 година, ќе добие спомен плоча во Сплит

Во 1991 година на протест во Сплит беше убиен Македонец, војник на тогашната ЈНА. Сега ќе добие и комеморативна плоча, пренесува Индекс.хр.

На зградата на градската управа во Сплит ќе биде поставена спомен плочата на Сашко Гешовски, кој воениот рок во ЈНА го служеше во хрватскиот град, кој беше убиен на големиот протест на 6 мај 1991 година пред зградата на Бановина, пишува порталот Далматински.

Ова го одлучи Комисијата за именување улици и плоштади на седница. Одлуката мора да биде потврдена од Градскиот совет. Ако зависи само од мнозинството, ќе помине непречено бидејќи помина и на Комисијата со осум гласа поддршка.

На седницата минатата година беше одлучено несреќниот млад човек да добие спомен плоча, но тогаш беше спорно името на неа на која пишуваше „Сашко Гешовски, невина жртва на протестите одржани на 6.5.1991 година“. Предлогот дојде од активистот Марко Гај, кој со години се бореше за обележјето. Тогаш не беше постигнат консензус околу натписот, беше констатирано дека може погрешно да се протолкува, па се бараше компромис.

Се чинеше дека е пронајден во натписот „Сашко Гешовски, Кавадарци, 31 октомври 1971 година – Сплит, 6 мај 1991 година. Случајно почина на 6 мај 1991 година“. Но, не беа сите задоволни, двојазичниот знак е спорен (од десничарските опции) како и локацијата, т.е не сакаат да биде на зградата на Бановина, туку во парк.

Никогаш не беше откриено како починал Сашко Гешовски.

На мермерната плоча, на зградата пред која животот му го прекина куршум, ќе биде испишан овој натпис:

SAŠKO GEŠOVSKI

Сашко Гешовски

Kavadarci (Кавадарци), 31.10.1971. – Split (Сплит), 6.5.1991.

NESRETNO STRADAO 6. SVIBNJA 1991. GODINE

НЕСРЕЌНО ЗAГИHA HA 6. MAJ 1991.