Русија набавува гориво преку Јужна Кореја

Повеќе од 176.000 тони гориво, претежно дизел, беа транспортирани од јужнокорејските пристаништа до Русија во јули и август со седум танкери што направија 14 патувања до рускиот Далечен Исток, покажува анализата на „Гардијан“ заснована на пристанишните евиденции и податоците за следење на бродовите.

Три танкери беа под санкции на Велика Британија и ЕУ, додека еден зеде гориво преку претовар од друг брод во јужнокорејските води, метод што може да го сокрие потеклото на товарот.

Аналитичарот на Центарот за истражување на енергијата и чистиот воздух, Исак Леви, го оцени како „шокантно“ тоа што танкерите под санкции на ЕУ товарат гориво во јужнокорејските пристаништа и го транспортираат во Русија, наведувајќи дека тоа „го поткопува режимот на санкции и поддршката на Јужна Кореја за Украина“.