Реакција од Владата: Не се точни шпекулациите за наводни формулации за решенија со Бугарија


Фото: Б. Грданоски

Од Владата реагираат на пишувањето во дел од медиумите за посетата на премиерот Зоран Заев на Бугарија, при што се објавуваат и наводни конкретни предлози. 

Реакцијата ја пренесуваме во целост:

„За време на вчерашните работни средби обезбедивме унапредување на меѓусебната доверба и дијалогот меѓу Северна Македонија и Бугарија.

Овој позитивен исчекор ни овозможи да разговараме за можностите за решенија за што добра основа е португалскиот предлог.

Решенијата мора да водат грижа за двете страни односно да ги адресираат прашањата кои се важни и за МК и за БГ. Такви решенија се можни, за да се дојде до нив неопходен е дијалог, а сега еве и дијалогот е повторно на маса.

Оттука, не се точни шпекулациите за наводни формулации за решенија кои се споделуваат низ дел од медиумите“, се вели во реакцијата до Владата.