Рафаел Надал по втор пат ќе стане татко

Рафаел Надал и неговата сопруга Марија Перело го очекуваат своето второ дете, пренесува Hola.
Според медиумите, Марија е во петтиот месец од бременоста, а семејството на лето ќе добие ново бебе кое ќе му се придружи на нивниот првороден Рафа, кој сега има две и пол години.
38-годишниот спортист и неговата 36-годишна сопруга ја започнаа својата љубовна приказна пред речиси две децении. Тие се запознале во градот Манакор, нивниот роден град во Мајорка, кога биле тинејџери. Оттогаш тие не се разделени.

Се венчаа во 2019 година, по повеќе од 14 години врска. Двојката го кажа своето судбоносно „ДА“ пред околу 250 гости на церемонијата на отворено што се одржа во Са Форталеза, замок од 17 век во северна Мајорка.
Животот на Рафа многу се промени во последните месеци, на 10 октомври 2024 година тој објави дека се повлекува од професионалниот тенис. Во своето проштално видео тој им посвети неколку убави зборови на своите најблиски, велејќи:
– Семејството ми е се. Мојата сопруга, Мери, заедно сме 19 години. Ви благодарам за се што направивте за мене. Мислам дека ми бевте совршен придружник во текот на сите овие години од мојата кариера. Доаѓањето дома секој ден и гледањето на мојот син како расте беше силата што навистина ме одржа во живот и со енергија да продолжам“, рече тој тогаш.

Рафа Надал засекогаш се прости од тенисот во ноември. Тој го одигра својот последен меч во Дејвис купот, многу посебен турнир за него, а го бодреа неговите родители Себастијан Надал и Ана Марија, неговата сестра Марибел, неговата сопруга и синот. Сега ужива во секојдневниот семеен живот кој наскоро ќе го заврши уште еден член.