Путин во шок: Не очекуваше говор на друг јазик (видео)

Рускиот лидер Владимир Путин во четвртокот беше во официјална посета на Казахстан.

Претседателот на Казахстан, Касим Јомарт Токаев го поздрави при излегувањето од авионот.

Во попладневните часови беше извршен свечен пречек, а по церемонијата двајцата претседатели преку видео-врска се приклучија на казахско-руската деловна конференција, која годинава се одржува во Костанај, на северот на Казахстан.

Меѓутоа, овојпат средбата меѓу Путин и Токаев ја одбележа несекојдневна ситуација. Имено, според видеото објавено од X (поранешен Твитер) профил Вишеград 24, во чиј опис се наведува дека собира вести од Централна и Источна Европа, казахстанскиот претседател говорот наместо на руски го започнал на казахстански, за кој, како што велат, никогаш направено претходно.

Changing times…

During Putin’s visit to Kazakhstan, the Kazakh president opened his speech to in Kazakh instead of Russian.

It had never happened before.

The Russian delegation was shocked as they started looking for translation devices pic.twitter.com/nkstX1RP14

— Visegrád 24 (@visegrad24) November 10, 2023

Руската делегација била прилично збунета и неподготвена кога започнал говорот и почнале да бараат уреди за превод.

Не е познато дали говорот на Токаев на казахстански јазик во оваа прилика е во согласност со напорите на Астана за промовирање на употребата на казахстанскиот јазик наместо рускиот, кои траат подолго време.

Имено, како што напиша „Гардијан“ пред нешто повеќе од еден месец, Казахстан подготвува предлог закон за медиуми со цел да ја зголеми употребата на казахстанскиот јазик во однос на рускиот.

Казахстан претходно најави напори за промовирање на употребата на казахстанскиот јазик наместо рускиот во своите медиуми, во услови на зголемен скептицизам за влијанието на Москва во земјата од почетокот на руската инвазија на Украина.

Казахстанскиот јазик е официјален јазик на оваа поранешна советска република во Централна Азија, но рускиот е исто така признат и широко се зборува меѓу населението од околу 20 милиони луѓе.