Новото општинско основно училиште во Капиштец, „Киро Глигоров“ првите ученици ќе ги прими на првиот училишен ден, 2 септември, а два дена подоцна, ќе биде организирано свечено отворање, потврдуваат од Општина Центар за „Независен весник“.

Капиштец ќе се поднови со „Киро Глигоров“ – Модерно училиште за модерни генерации

Со изградбата на новото основно училиште, Капиштец добива модерна образовна установа на површина од 12.000 квадратни метри за 500 ученици, а новата учебна година во него ќе ја почнат 250 ученици, од кои најголемиот дел се првоодделенци. Другите се преместени од неколку училишта во Центар, затоа што им е поблиску до дома.