Пропадна и третиот тендер за поставување на фотоволтаици на зградата на ректоратот на Универзитетот „Гоце Делчев“

Пропадна и третиот тендер  да се постават фотонаппонска централа на кровната конструкција на зградата на рекоратот на Универзитетот „Гоце Делчев“  -Штип. Ректорот Дејан Мираковски вели дека интерес од големите фирми за реализирање на овој проект нема. Тие како државна институција имаат критериуми кои треба да бидат исполнети, поточно фирмите да бидат со А лиценца, а тоа го имаат само големите компании. Според него, овде е проблемот, но тој е оптимист дека овој проект ќе биде реализиран во иднина.

-Повторно имаме слаб интерес од страна на големите компании. Ние како државна институција сме обврзани да бараме да имаат повиско ниво на компетенции тие што се пријавуваат на тендерите. Имаме услов да бидат со А лиценци и тоа се генерално големите компании. Ама тие работат на поголеми проекти и интересот за нашиот релативно мал проект не им е приоритет. Направивме три обиди, се надевам ете дека после третиот ќе успееме, вели Мираковски.

Според првичните анализи, фотоволтаици требаше да се постават и на кровот на стариот ректорат, а потоа проектот да продолжи и да се постават на Kампус два. Со ваквата инвестиција би се штедело електрична енергија, со што би се намалиле и сметките за струја.