Посетата на Урсула фон дер Лајен ќе го измести сообраќајот во Скопје
Утре и во среда ќе има посебен режим на сообраќај во Скопје, информираат од Министерството за внатрешни работи.
Секторот за внатрешни работи Скопје, ќе преземе мерки за посебен режим на сообраќајот по сообраќајниците на поширокото централно подрачје на град Скопје поради официјална посета на делегација предводена од претседателката на Европската комисија, Урсула фон дер Лајен.
Оттаму апелираат до сите граѓани учесници во сообраќајот да се почитуваат наредбите кои ќе ги дава полицијата.