Полјаците протерани од Загреб, по тепачката со Бед блу бојс, нема да го следат натпреварот
Навивачката група на Динамо Загреб, Бед Блу Бојс синоќа се судри со ултрашите на полска Легија во хрватскиот главен град.
Улиците на Загреб личеа на воено поле, бидејќи се фрлаа факели, пепелјари, столици, шишиња, камења, а демолирани беа неколку ресторани и кафулиња. Навивачите беа вооружени со палки, а интервенираше и полицијата.
Bad Blue Boys (Dinamo Zagreb) looking for Legia Warsaw fans.pic.twitter.com/cmMBN58Yb1
— Sam Street (@samstreetwrites) August 3, 2021
Во едно видео се гледа како БББ ги напаѓаат полските навивачи кои седат во едно локално кафуле во Загреб.
Во тепачката еден Полјак заврши со скршена бутна коска и е однесен во болницата во Загреб.
Во судирот, според официјалните податоци на хрватската полиција учествувале околу 300 навивачи на Динамо и околу 100 Полјаци.
BBB atack Legia in Zagreb tonight. 03.08.2021 pic.twitter.com/jRhRZZdTA1
— HooligansTV (@HooligansTV_eu) August 3, 2021
„Тепачката изби по 21.30 часот“, соопшти полицијата. Според првичните податоци, направена е штета на пет локали, а оштетени се три автомобили.
Zagreb a day before the Dinamo – Legia match. pic.twitter.com/LEnf5aPqx0
— 𝘼𝙉𝙏𝙊𝙉𝙄𝙊 (@d4mije) August 3, 2021
Полските навивачи биле собрани од хрватската полиција, најпрво на еден паркинг во близина, а потоа биле одвезени на граничниот премин „Брегана“ од каде ја напуштиле државата.
Тие вечер нема да го следат натпреварот меѓу Динамо и Легија.