Почина актерката Шенон Доерти, ја изгуби битката со ракот

Како што пренесуваат светските медиуми, на 53-годишна возраст почина познатата актерка Шенон Доерти.

Актерката Шенон Доерти, позната по улогите во хит серијата „Беверли Хилс, 90210“ и магичната фантазија „Charmed“ почина, откако во 2015 година ѝ беше дијагностициран рак на дојка. Таа имаше 53 години.

„Со голема болка потврдувам дека актерката Шенон Доерти почина. Во саботата, на 13 јули, таа ја загуби битката со ракот по долги години борба со болеста“, изјави нејзиниот публицист Лесли Слоун за магазинот People.

Доерти се прослави во 1990 година како свежата и бестрашна Бранда Волш на „Беверли Хилс, 90210“ на Фокс. Таа беше означена како дива во медиумите, а имаше дури и пред-интернет билтен наречен „Ја мразам Бренда“.

Доерти се појави во 111 епизоди пред да ја напушти серијата на крајот на четвртата сезона, по извештаите за конфликти со другите членови на актерската екипа, особено со Гарт.

Кога серијата беше рестартирана уште два пати, сите созреаа и Доерти се врати како Бренда во 2008 година во заживувањето на „90210“ за една сезона и последователното оживување на „BH90210“ во 2019 година.