Пандемијата не беше пречка – Полска лани го зголеми извозот за 2,8 отсто

Полскиот извоз се зголеми во пандемиската 2020 година, поттикнат од зголемените испораки до соседна Германија, најголемата економија во еврозоната, покажаа податоците на заводот за статистика ГУС објавени во понеделникот.
Полскиот извоз се зголеми за 2,8 проценти во 2020 година, на 1,052 милијарди злоти. Изразено во евра, тој беше речиси непроменет во споредба со 2019 година и изнесуваше 237,5 милијарди евра, се вели во извештајот на ГУС.

Увозот падна за 2,0 проценти на 998,3 милијарди злоти. Изразено во евра, тој падна за 4,8 проценти на 225,5 милијарди евра.

Трговскиот суфицит со светот се зголеми повеќе од десет пати, на 53,7 милијарди злоти.

Изразено во евра, скокна на 12 милијарди евра, од 1,2 милијарди евра во 2019 година.

Полскиот извоз во Германија се зголеми за 3,9 проценти минатата година, на 68,6 милијарди евра. Увозот падна за пет проценти, на 49,3 милијарди евра.

Уделот на Германија во полскиот извоз се искачи на 28,9 проценти, од 27,7 проценти една година претходно.