Отворена изложбата „Наследството на светлината“ посветена на Дичо Зограф во Скопје

Во галеријата на Интернационалниот универзитет „Еуропа Прима“ во Скопје е отворена тематската изложба „Наследството на светлината“, посветена на делото на македонскиот зограф од 19 век, Дичо Зограф. 

Изложбата претставува внимателен избор на висококвалитетни фотографии од најзначајните икони на Зограф, кои ја откриваат нивната историја, симболика и културно значење, а како што информираат организаторите, целта на настанот е да се подигне свеста за македонското културно наследство преку поширок проект што ќе вклучува работилници, предавања, патувачки изложби низ Македонија и меѓународни презентации, како и создавање глобално достапна дигитална платформа.

Дичо Зограф (1819–1872) оставил над 2.000 икони и бројни фрески низ Балканот, претставувајќи мост меѓу византиската традиција и современите уметнички влијанија.

Настанот е организиран од Академија Балканика Еуропеана, со поддршка од Министерството за култура и туризам.

Изложбата ќе биде достапна за посетители до крајот на септември