Општина Радовиш му додели плакета за животно дело на Ванчо Чифлиганец

На свечената академија по повод 80-годишнината од ослободувањето на Радовиш, Ванчо Чифлиганец го доби највисокото признание, 6-Ноемвриската плакета за животно дело. Во образложението на одлуката на Општина Радовиш стои дека името на Ванчо Чифлиганец го красат многу титули, професор, доктор, филантроп, дека неговата биографија е долга и богата. Дека е човек кому сè му оди од рака во професионалниот и приватниот живот, но и дека тој никогаш не го заборава родниот крај и своето огниште, од каде одамна излегол, носејќи го својот Радовиш во срцето.

Признанието за животно дело, на Чифлиганец му е доделено за неговиот значаен придонес во унапредувањето на економијата, стандардот, спортот и социјалниот живот во Радовиш, во времето на директорувањето со некогашниот рудник „Бучим“. Чифлиганец беше пратеник во два мандати во Собранието на Македонија. Неговата градежна компанија „Адора инженеринг“ 22 години континуирано се развива и унапредува, ширејќи го бизнисот во повеќе економски сфери и географски подрачја.

(Комерцијален текст)