Општина Илинден доби нов здравствен дом со 14 ординации

Општина Илинден денеска доби нов здравствен дом, прв по половина век.  Во објектот изграден на локацијата на старата амбуланта, на две нивоа со површина од 600 метри квадратни, се сместени 14 современи ординации, и за приватни здравствени услуги и за специјалистички. 

Во амбулантата се вложени 16 милиони денари, по осум милиони денари од буџетите на Министерството за здравство и на Општина Илинден. Заедно со придружната инфаструктура вкупната инвестициска вредност изнесува 25 милиони денари.

– Вредноста на овој објект е далеку поголема од паричниот износ.Таа се мери во сигурноста на родителите дека нивните деца ќе имаат здравствена грижа близу до домот во спокојот на повозрасните жители кои веќе нема да мора да патуваат далеку за преглед, во достоинството на здравствените работици кои конечно добиваат услови какви што заслужуваат, изјави премиерит Христијан Мицкоски.

Министерот за здравство Азир Алиу посочи дека новиот здраствен дом е инвестиција која ќе пружи здравствена заштита за над 30 000 жители од Илинден и соседната општина.

-Заеднички создадовме објект со 14 современи ординации, простор кој ќе понуди довера, сигурност и гржа за сите граѓани на Илинден и пошироко. Граѓаните ќе добијат квалитетна основна здравствена заштита, но и специјалистички здравствени услуги кои ќе бидат со олеснет пристап и ќе ја намалат потребата од патување на пациентите надвор од општината, рече Алиу.