Одреден притвор за мажот кој на свиреп начин уби жена во Кочани

26/09/2023 15:22
Основното јавно обвинителство Кочани донесе Наредба за спроведување истражна постапка против едно лице поради основано сомнение дека сторил кривично дело –Убиство според член 123 став 2 точка 1 од Кривичниот законик.

Осомничениот, на 25 септември, на свиреп начин лишил од живот една жена, нанесувајќи и многубројни убоди со нож. Тој од дома зел кујнски нож и знаејќи го патот по кој оштетената се движи кога оди кон работа, ја пречекал и и задал повеќе убодни рани во пределот на градите, стомакот, вратот и рацете. Од повредите, жртвата починала на лице место.

Јавниот обвинител до судијата на претходна постапка од Основниот суд во Кочани достави предлог за определување мерка притвор за осомничениот. Судијата го прифати предлогот и со решение му определи притвор во траење од 30 дена.

Поврзани содржини

Ископана човечка коска во дворот на Клиничкиот центар во Скопје
Директорка на ученички дом во Битола тепала вработена
Турција ја одобри екстрaдицијата на Љупчо Палевски
Уапсен Србин кој здивел на скопскиот аеродром
Кривични за петмина скопјани за „убиство во обид“
МВР: Кривична пријава против поранешен градоначалник на скопска општина за злоупотреба на службена положба
Со лажни формулари откупувале стари акумулатори – кривична против три лица и една фирма
Уапсен млад маж во Кисела Вода поради сообраќаен прекршок

Најчитани