Од овие навики за пиење кафе стареете побрзо

Мирисот на кафе е првото нешто што повеќето луѓе сакаат да го направат кога ќе ги отворат очите. Според неодамнешното истражување на Националното здружение за кафе, 62 проценти од Американците пијат некаков вид кафе секој ден. И додека самото кафе не е нездраво, диететичарката Лиза Московиц објаснува дека постојат некои навики за пиење кафе кои не се добри за вашето здравје.

Кафе наместо појадок
Многу луѓе веруваат дека појадокот е најважниот оброк во денот и дека неговата замена со кафе не може да биде добра за вашето здравје.

„Прескокнувањето на појадокот може да доведе до помалку хранлива исхрана, поточно, таква што е спротивна на здравото стареење. Според разни студии, прескокнувањето на појадокот и пиењето кафе само по себе може да доведе и до некои сериозни здравствени компликации“, предупредува Московиц за „Јади го ова, а не она“.

Наместо да прескокнувате појадок и да пиете кафе, Московиц предлага појадок со свежо овошје, житарки и јаткасти плодови.

Кафе со многу млеко и шеќер
„Умерени количини шеќер во вашата исхрана се во ред, но ако претерувате секој пат кога ќе посегнете по кафе, тоа не е добро“, објаснува таа.

Имено, како што стареете, може да забележите големо зголемување на шеќерот во крвта, воспаление, а една студија покажа дека поголемите количини на додаден шеќер предизвикуваат кршливост кај постарите лица. Кога консумирате премногу шеќер, нивото на колаген во кожата може да се намали, што со текот на времето придонесува за намалена еластичност и појава на брчки.

Пиете кафе наместо вода
Редовното пиење вода е навика што многу луѓе често ја забораваат, но кога пиете многу кафе, тоа е пат кон дехидрација на телото.

Прекумерни количини кафе
Најдобро е да пиете кафе наутро, дури и ако кофеинот не ве држи будни доцна навечер, тоа не значи дека треба да пиете кафе навечер.